Mae Llantarnam Grange yn cynnig y cynllun Ein Celfyn ffordd fforddiadwy o brynu gwaith celf. Mae Ein Celf yn rhannu’r taliad am waith celf yn 10 taliad misol di-log.
Mae Ein Celf ar gael i holl drigolion y DU sydd dros 18 oed gan ddibynnu ar eich statws. Mae hyn yn golygu bod yn rhaid ichi fodloni un o’r meini prawf canlynol ichi gael talu ag Ein Celf:
– gweithio o leiaf 16 awr yr wythnos (cyflogedig neu hunangyflogedig)
– rhywun sydd wedi ymddeol ac yn cael pensiwn
– os nad ydych yn gweithio ond yn briod â phartner neu’n byw gyda phartner sy’n bodloni’r meini prawf uchod, gallwch ymgeisio o hyd, ar yr amod bod eich partner yn hapus i gynnwys ei fanylion cyflogaeth ar eich ffurflen gais
Os ydych am gasglu eich gwaith celf pan fydd yn barod, rhaid ichi fod yn barod gyda’r canlynol i’w ddangos i dîm yr oriel:
– e-bost sy’n cadarnhau eich archeb/y nwyddau/trefniadau casglu
– ffurf adnabod ddilys â ffoto (trwydded yrru neu basbort) yn yr un enw â’r casglwr
– y cerdyn y talwyd y blaendal drwyddo – a rhaid iddo fod yn eich enw eich hun
– prawf eich bod yn byw yn y DU
