Nod ein rhaglen o arddangoswyr ac arddangosfeydd yw cefnogi ac ysbrydoli artistiaid a chynulleidfaoedd, rhannu gwaith artistiaid a gwneuthurwyr o bob cwr o Gymru, y DU ac yn rhyngwladol. Mae hyn yn cynnwys artistiaid creadigol arweiniol a rhai newydd, gyda chyfleoedd penodol i feithrin lleisiau newydd.
Gyda’r gwaith wedi ei rannu drwy ein hadeilad, yn ein horielau, y cyntedd, y caffi ac ystafelloedd cyfarfod, ein nod yw creu rhaglen amrywiol sy’n dathlu celfyddydau a chrefftau gweledol.
Mae gennym hefyd raglen o Arddangosfeydd Teithiol gydag orielau partner, a Chasgliad Parhaol, yr ydym wedi bod yn ychwanegu ato am 55 o flynyddoedd.
Presennol
Celf yn y Caffi
Arddangosfa o bosteri o’n harchif sy’n edrych nôl dros 60 mlynedd o hyrwyddo celf! Gan fod y dechnoleg a’r tueddiadau dylunio wedi esblygu (ynghyd â’r cyllidebau amrywiol!), mae’r detholiad hwn yn dangos trysorau go iawn ar y cyd ag ambell i ddewis dylunio rhyfedd.
Gyda phosteri o’r cyfnod torri a gludo a llythrenwasg, i gelf clip a dylunio digidol, mae’r detholiad hwn yn bwrw golwg difyr dros arddangosfeydd y gorffennol.
Mae’r arddangosfa hon yn rhan o Llantarnam Grange 60, sef blwyddyn sy’n dathlu 60 mlynedd o greadigrwydd yng Nghwmbrân. Ariennir gan Ymddiriedolaeth Elusennol Colwinston.
Sioe Arddangos Gerameg
Sioe arddangos grŵp gan fyfyrwyr trydedd flwyddyn y Cwrs BA Cerameg yn Ysgol Celf a Dylunio Caerdydd (YCDC), sy’n dangos yr amrywiaeth o dechnegau a phrosesau technegol a fydd yn llywio’u sioe raddio derfynol.
O hunangyrchu clai a dyfeisio gwydreddau trwy gymysgeddau tair echel a llinol, i greu arwynebau darluniadol, llunio â llaw, taflu, Soda, Ragu, tanio trydan a rhydwythol, ac i ddull blaengar o gastio o falurion coffi!
Yr Oriel Bwrdd Posteri
