ORIEL 1
AGIMAT – SADIA PINEDA HAMEED
31 MAI -16 AWST
Mae Agimat yn arddangosfa solo gan Sadia Pineda Hameed sy’n archwilio hanes swyndlysau trefedigaethol a gwerin.
Trwy gasgliad o wrthrychau, cerfluniau, a fideo, mae Sadia yn ystyried hanesion am werth amgen, arwyddion, ac anting-anting (y gred Ffilipino mewn swynoglau a thalismonau). Mae’n archwilio sut gall arwydd breswylio a choffáu; cynnal protest ystum yn erbyn; a diogelu rhag echdynnu a thrais tir ar yr un pryd.
Mae Sadia wedi bod yn gweithio gyda Llantarnam Grange a Big Pit Amgueddfa Lofaol Cymru dros y flwyddyn ddiwethaf, yn ymchwilio i elfennau o’r casgliad er mwyn ystyried sut mae mudiadau radical o’r gorffennol yn bodoli mewn cydsafiad rhyngwladol â mudiadau heddiw.
Mae Agimat yn dod â gwahanol gasgliadau o swyndlysau at ei gilydd, o ddetholiad a gasglwyd ac a ddadleolwyd yn wreiddiol gan y llên-werinwr o Croydon Edward Lovett (1852 – 1933) mewn cyfres newydd o swynoglau cerfluniol sy’n tynnu ar freuddwydio clir, gweithredu ar y cyd, a diogelu rhag echdynnu.
Mae Agimat yn cael ei harddangos ochr yn ochr ag MMMM NOTE, celfwaith cydweithredol gan Kerstin Kartscher a Sadia Pineda Hameed yn ein Horiel Bwrdd Posteri. Gan dynnu ar dalebau llafur Robert Owen o’r 19eg ganrif, mae’r gwaith hwn yn creu ffugiad chwareus, gan ddadadeiladu gwerth fel y’i dychmygir yn hytrach na fel y’i dyroddir.
Bydd eitemau o Amgueddfa Robert Owen a ysbrydolodd y gwaith hwn, yn cael eu harddangos hefyd fel rhan o Agimat.
Ar gyfer digwyddiad agoriadol Agimat, yn Llantarnam Grange, dathlwyd lansiad gwaith newydd gan yr artist Sadia Pineda Hameed trwy siarad, teithiau, a gweithgareddau. I gael gwybod mwy yma.
Arddangosir Agimat yn Llantarnam Grange tan 16 Awst.
Mae hon yn rhan o Safbwynt(iau), sef cydweithrediad rhwng Cyngor Celfyddydau Cymru ac Amgueddfa Cymru, gyda chymorth gan Lywodraeth Cymru.
BIG PIT AMGUEDDFA LOFAOL CYMRU
SIGNALAU -SADIA PINEDA HAMEED
31 MAI – 31 AWST
Mae Signalau sef corff newydd o ffilm, sain, a gwaith cerfluniol a arddangosir ledled Big Pit Amgueddfa Lofaol Cymru.
Gan weithio gyda Llantarnam Grange, a trwy edrych ar gasgliadau, sgyrsiau a chymuned Big Pit drwy lens wrth-drefedigaethol, gwrthgyfalafol ac ecolegol, mae Sadia Pineda Hameed wedi gwneud cysylltiadau rhwng hanes glofaol Cymru a’i streiciau, a mudiadau llafur mwyngloddio ledled y byd heddiw.
Bydd ffilm Sadia, Moving Sound, yn sgrinio bob dydd yn Big Pit, yn y profiad Brenin Glo rhwng 3-4pm bob dydd (ar ddolen 8 munud) ar y cyd â chyfres o gerfluniau.
Yn y digwyddiad agor, roedd Mort Drew yn darlledu SIGNALS RADIO yn fyw o Big Pit gyda chyfraniadau gan Carol Anne McChrystal, Nia Davies ac Angus Carlyle.
Arddangosir Signals yn Big Pit Amgueddfa Lofaol Cymru tan 31 Awst.
I gael gwybod mwy yma.
YNGLŶN Â SAFBWYNT(IAU)
Lleisiau pwy a glywir mewn amgueddfeydd, hanesion pwy a adroddir, a sut mae archwilio’r gorffennol yn llywio dyfodol gwrth-hiliaeth? Dyma’r cwestiynau allweddol y mae saith artist ethnigol- a diwylliannol-amrywiol yn mynd i’r afael â nhw trwy Safbwynt(iau), sef rhaglen gelfyddydau feiddgar lle mae’r artistiaid yn ail-ddweud ac yn ail-ddychmygu storïau am hanes a gwrthrychau Cymreig, gan gynnig persbectifau newydd sy’n herio rhagdybiaethau ac yn dod â naratifau ymyleiddiedig i’r amlwg.
Mae Safbwynt(iau) yn gydweithrediad gyda Chyngor Celfyddydau Cymru ac Amgueddfa Cymru, ac mae’n rhan o Gynllun Gweithredu Gwrth-Hiliol Cymru, gyda chymorth gan Lywodraeth Cymru.
I gael gwybod mwy yma.
