JON LANGFORD & HIS MEN OF GWENT
6 MAI, 6YP
Byddwn yn cynnal perfformiad gan Jon Langford & his Men of Gwent Gwent yn ein horielau gwaelod ddydd Sadwrn 6 Mai.
Bydd nifer cyfyngedig o docynnau ar werth o ddydd Mawrth 18 Ebrill am 10am trwy Eventbrite.
Cost tocynnau yw £3
Rhaid i bobl ifanc dan 16 oed fod gydag oedolyn.
Bydd y perfformiad yn mynd ochr yn ochr ag arddangosfa o ddarluniau Jon yn ein Caffi. Gan weithio gyda’r cyhoeddwyr o Gasnewydd, Three Impostors, mae’r gweithiau yma’n rhan o gyfrol newydd o ffantasi Cymreig a The Chronicle of Clemendy nofel gyntaf yr awdur arswyd Arthur Machen.
HANES
Mae Jon Langford yn gerddor ac yn artist a anwyd yng Nghasnewydd. Jon oedd drymiwr gwreiddiol y band pync, y Mekons, a oedd yn cynnwys cerddoriaeth gwlad a gwerin mewn roc pync. Mae Jon wedi rhyddhau nifer o recordiadau fel artist solo hefyd, a gyda bandiau eraill, yn benodol y Waco Brothers, Skull Orchard, ynghyd â’i fand Men of Gwent.
Pan symudodd Jon i Chicago yn gyntaf yn 1992 teimlai ei bod yn bwysig iddo ffurfio band yng Nghasnewydd, fel y gallai gadw mewn cysylltiad â’i wreiddiau a chael dychwelyd ar gyfer cyfarfodydd y band yn Nhafarn y Riverside.
Mae Jon Langford a’i Men of Gwent yn gweithio gyda’r label leol Country Mile, a’u henw blaenorol oedd LL. Eu halbwm cyntaf yn 2015 oedd the Legend of Li sy’n rhannu caneuon ynglŷn â’u tref enedigol – cawsant eu hysgrifennu ar draws yr Iwerydd ac, o bryd i’w gilydd, mewn person. Cafodd eu hail albwm, President of Wales, ei ryddhau ym mis Tachwedd 2019.
Maen nhw wedi chwarae mewn gwyliau enwog yn cynnwys Green Man, Glastonbury a’r Busk on the Usk chwedlonol. Mae Jon yn byw yn Chicago ond mae’n hedfan nôl i chwarae gigiau, recordio, neu’n syml, i eistedd o gwmpas gyda’i Men of Gwent.
